بالفيديو السيسي يهدد المصريين بإنزال الجيش في كل قرى الدولة وإبادة شاملة لمخالفات البناء
بالفيديو السيسي يهدد المصريين بإنزال الجيش في كل قرى الدولة وإبادة شاملة لمخالفات البناء
أكد الرئيس عبد الفتاح السيسي، أن استمرار مخالفات البناء وخاصة الاعتداء الأراضي الزراعية يشكل تحديا واختبارا للحكومة وكافة أجهزة الدولة، مشيرا إلى أن الدولة لديها منظومة قادرة على رصد مخالفات البناء بدقة ولن تسمح لأحد بأي تعديات.
وشدد الرئيس السيسي خلال مراسم افتتاح عدد من المشروعات القومية اليوم السبت بمحافظة الإسكندرية، على خطورة “ظاهرة” البناء على الأراضي الزراعية، مكلفا الحكومة بالتصدى لهذه المشاكل أو ترك المسؤولية.
وتساءل السيسي – خلال عرض صورة مسح جوي لأرض زراعية تحولت بالكامل لكردون مباني “مخالف” – “أين المحافظ، والمحليات، أين شباب القرية الذي يرى إهدار الأرض الغالية تتحول لمباني، مشيرا إلى أن هذه قرية واحدة من حوالي 4500 قرية.
وتابع الرئيس موجها حديثه لرئيس مجلس النواب الدكتور علي عبد العال: “أنا بقول كده لأن يا دكتور علي مش عارف أعمل إيه.. أنا بتكلم بجد.. دي ظاهرة.. وأنا بقول للمصريين أنا مش عارف أعمل إيه.. إيه اللي إحنا فيه ده؟.. وكل الكلام ده على مستوى الدولة المصرية.. يا جماعة دي أرضنا.. دي الأرض اللي بناكل منها.. أنت بتعمل إيه؟ بتعمل كده ليه؟ عايز إسكان إحنا بنعمل.. وهنعمل إسكان ـ إحنا عملنا أكثر من مليون وحدة إسكان ومستعدين نعمل أكثر من كده”.
وجه الرئيس المصري عبد الفتاح السيسي رسالة شديدة اللهجة للمسؤولين في البلاد ومرتكبي مخالفات البناء والتعديات على الأراضي الزراعية.
وحذر السيسي المخالفين، من مواصلة التعديات: “لا لا.. الدولة بكل مؤسساتها مسؤولة عن الحفاظ عن مصر.. لن أسمح لأحد أن يهد بلدنا”.
وأضاف: “يا نوقف ونبني دولة مضبوطة أو أترك مكاني وأمشي من هنا ويأتي شخص ثان يتولى قيادة البلاد ويضيعها ويخربها زي محنا شايفين”.
وتابع: “لن أسمح أبدا أن إحنا نهد بلدنا ونضيعها كده، وهجيب معدات هندسية على أعلى مستوى ولو الأمر استدعى هنزل هخلي الجيش المصري كل القرى لإزالة كافة التعديات”.
وقال: “إذا كانت الناس مش عاحجبها الكلام ده.. تبقى تستفتي إننا نسيب المكان ونمشي”.
وأضاف الرئيس أن “الدولة بكل مؤسستها مسئولة عن الحفاظ على الدولة المصرية.. ولن أسمح أبدا بهدم بلادنا وضياعها.. لا والله لو الأمر هخلي الجيش المصري ينزل لكل قرى مصر.. وأنا بكلمكم عشان تبقوا عارفين يا نوقف ونبقى دولة مظبوط يا أسيب مكاني وأمشي من هنا.. وأنا بتكلم بمنتهى الجدية والحزم في الموضوع”.
وكلف الرئيس السيسي الدكتور مصطفى مدبولي رئيس مجلس الوزراء بالعمل مع كل المحافظات لمواجهة كل التعديات وقال “أنا بقول للسادة المحافظين اللي لا يستطيع أنه يحقق الانضباط والسادة مديري الأمن اللي موجودين بصراحة قولي يا فندم ده موضوع أنا مش قده.. السلام عليكم.. اللي مش هيقدر يقوم معانا بما تحتاجه الدولة دي بصراحة يقول يا فندم ده موضوع أكبر مني وأنا مش هتدخل فيه.. وأنا هحترم رغبته وأنا بتكلم وكل الناس سمعاني في مصر.. أنا بتكلم تاني وبقول مفيش حد في العالم يتحدث عن أوضاعه قدام الرأي العام على الهواء إلا إذا كان الهدف عنده الإصلاح” .
فيديو السيسي
